Sacrosancto et venerabili loco Cluniaco in honore beatorum apostolorum Petri et Pauli dicato, quem donnus abba Maiolus ad regendum, Deo jubente, suscepit, ego Artaldus dono vineam unam quę est sita in pago Augustudunensi, in villa Monte Malardo, in agro Vicomasaon: terminaturque ex duabus partibus via publica, tertia parte terra Sanctę Marię et Sancti Petri, de quarta parte ęcclesia ipsius loci; et faciant seniores Clunienses quicquid voluerint. Quod si aliquis repetere voluerit, non valeat explere quod cupit, sed coactus judiciaria potestate, auri libras II componat, et inantea firma et stabilis permaneat hęc carta, stipulatione subnixa. Actum Cluniaco publice. S. Artaldi, qui fieri et firmare rogavit. S. Rotberti. S. Leotaldi. S. Narduini. S. Lantberti. S. Bernardi. S. Girbaldi. S. Senaldi. S. Hugonis. Joslenus scripsit mense martii, anno I Hugonis regis.